Sponsortreff på Gloppen Hotell - kjempeflott oppmøte og fin markering av sesongstart 2017

Postet av Gloppen Friidrettslag den 29. Apr 2017

Over 60 deltok på Sponsortreff i dag på Gloppen Hotell. Nesten samtlege sponsorar var representert. Våre beste aktive var på plass saman med trenarar, foreldre og leiarar. Ekstra kjekt å sjå at tre hovedlagsleiarar samt leiaren i GIR var tilstades. Viktig for GFIL å formidle kva vi styra med både sportsleg og økonomisk. Preben Moen tok oss gjennom hotellets historie, sin forretningsfilosofi og mange av oss fekk ny kunnskap om ei bedrift i sterk vekst. SFE formidla nysatsing av FLIKK - smarte tenester i heimen. Vi kan snart styre mykje meir gjennom mobilen om vi ynskjer det. Nordfjord Skifer fortalde om ei bedrift med leveransar og oppdrag langt utom eige fylke. Sparebanken gav oss god informasjon om ny mobilbank med enklare innlogging samt at dei er i forhandlingar omkring VIPPS løysingar. Kortreist sportsmat, spekemat og knallgode karbonader stod på menyen. Fantastisk kjøkken og service. Til slutt var det bildetaking og blomsterutdeling til sponsorane, kjekt å sjå at interessa for friidrett er stor i Gloppen. Aktiviteten, arrangementa og velviljen blant sponsorane er heilt på topp. Der er alltid utfordringar og forventningar, eitt område er vedlikehald og utvikling av anlegg. Dei næraste åra er avgjerande på dette området om friidretten skal greie å halde fram utviklinga. Takk for flott og triveleg ettermiddag på hotellet vårt.





Kommentarer

0 Kommentar

Logg inn for å skrive en kommentar.

Levert av IdrettenOnline