Toppresultater i Halle !

Postet av Gloppen Friidrettslag den 21. Mai 2017

Med resultata 66,64 på Thomas og 64,92 på Evald har GFIL to kvalifisert for EM-U23 i slegge. Evald sette pers med over 2 meter og no kasta også han lenger enn Ove Farsund sin gamle krinsrekord på 64,20 frå 1980. For å setje resultata litt meir i historisk perspektiv kan det nemnast at Thomas er nr. 11 gjennom alle tider i Noreg, Evald nr. 15. Begge er enno i eldste juniorklasse!

I EM i Polen i juli vil dei møte hard konkurranse. Vi har sjekka etter litt, grensa for å nå finalen var på 66 m både i 2013 og i 2015. I alle fall Thomas kan ha håp om å nå finalen, men Evald er sterk konkurransemann, også han vil kunne snuse på finaleplass med full klaff. Medaljane vil nok gå på over 70 m, så det er nok litt for langt fram til det. Thomas kan vere med i den same meisterskapen om to år, med to gode treningsvintrar i USA kan vi kanskje ha ein medaljekandidat i 2019 i Sverige.

Thomas vert i år med i sitt 3. internasjonale meisterskap, dei to føregåande i diskos, denne gongen i slegge. For Evald er det første gong han er kvalifisert, som 18-19 åring var han ca. 5 meter bak kravet. Dei to siste åra har han auka persen med heile. 8 meter med seniorslegga, det har gjeve kraftige byks på statistikkane. Til dømes løfta rekordkastet i Halle han frå 30. til 15. plass på historisk landsstatistikk



Kommentarer

0 Kommentar

Logg inn for å skrive en kommentar.

Levert av IdrettenOnline