Rapport frå Simon Lidal i Halden !

Postet av Gloppen Friidrettslag den 29. Okt 2017

Bildet er frå JrNm i Harstad i sommar der han tok bronse i U20

Eg heiter Simon Lidal og kastar spyd. Eg har alltid likt å kasta. Dette førte til at eg  kasta liten ball og seinare spyd for Årdalsklubben Jotun (i tillegg til fleire idrettar som handball og symjing). For å utvikle meg som spydkastar, søkte eg og kom inn på Idrettslina på Firda Vidaregåande Skule. Her hadde eg tre kjekke og lærerike år . Eg blei teken godt vare på i kanskje Noregs beste friidrettsmiljø i GFIL. Det blei mykje trening både på skulen og i GFIL om kveldane. På treningane var det alltid seriøse og gode trenarar som inspirerte meg til å bli betre. Noko som førte til 3.plass og personleg rekord under JNM i Harstad.

Eg bur no i Halden, der går eg på årsstudium i kroppsøving og idrett på HiØ. Eg valde Halden fordi der er eit godt spydmiljø. Jørund Årdal hjelpte meg med å få kontakt med Halden Idrettslag og dei har teke godt imot meg. Alle eg trenar saman med kastar spyd. Det syns eg er veldig bra, for eg vil utvikle meg som spydkastar og ynskjer å satse på det. No er treningane veldig fokusert på spydkast, og dei beste spydkastarane i landet kjem for å trene med oss. Det synest eg er heilt optimalt for å bli betre. Nett no har eg diverre fått ei kneskade, men eg kjem til å stå på lika hardt med treningane og trene alternativt, for å kome strekt tilbake. Eg håpar eg rekk å kvalifisere meg til NM på Byrkjelo 2018! 

Sportsleg helsing
Simon
 




Kommentarer

0 Kommentar

Logg inn for å skrive en kommentar.