Helsing frå Trude i Bergen !

Postet av Gloppen Friidrettslag den 11. Des 2017

Trude har etablert seg i Bergen og har Fana stadion som treningsaren.  Det er kjekt for klubben å få fortelje litt om kva utøvarane våre styra med, spesielt kjekt no i vinterhalvåret. Trude er kjempemotivert for sesongen 2018 !  Nm på heimebane blir spennande. Vi gledar oss !(Foto :Caroline Dokken Wendelborg). Bildet er frå Deaflympics 2017. Helsing frå Trude kjem under bildet :)

Ei lita helsing frå Bergenby!

Tida fyk avgarde, og eg har snart budd i Bergen i to år. Her trivst eg veldig godt!

Dagane går med til jobb, trening og studie. Eg jobbar 100 % stilling som miljøterapeut på Signo Konows Senter, eit bufellesskap for døve og døvblinde som har ei psykisk utviklingshemning. I fjor tok eg 30 studiepoeng i spesialpedagogikk på høgskulen i Sogndal, noko som var interessant og aktuelt i høve til jobben min. Eg ønskte å bygge vidare på dette, og tek i år eit deltidsstudie som heiter ”åtferdsvanskar” på høgskulen i Bergen.

Samtidig satsar eg for fult mot neste sesong der NM på heimebane er eit av dei store høgdepunkta! Eg har hatt ein fin treningshaust, med lite skade. Kastar på Fana stadion i lag med Hans og Bergensargjengen. Det er lite snø og kulde i Bergen, og vi har dermed fine kastforhold året rundt.

Det er snart juleferie, og eg gler meg til mykje god trening heime med GFIL gjengen!

Ønsker alle ei riktig god jul og eit godt treningsår J

Trude  




Kommentarer

0 Kommentar

Logg inn for å skrive en kommentar.