Vinterstevne på Loggane i kveld !

Postet av Gloppen Friidrettslag den 28. Des 2017

Bilder:Naturfotograf Ronny Solheim

Mykje fin kasting i det siste kaststemnet dette året. Fleire nytta høvet til å setje pers, størst forbetring gjorde Håkon Litland, Laksevåg, som auka frå 55,35 til 57,88. Han hadde dessutan eit kast på 57,42. Håkon Hjelle Roset persa også, denne gong med 6 kg frå 51,04 til 51,93. Den tredje som persa var 13-årige Nikoline Thunem, Fiskå, som auka frå 30,93 til 31,82.

Thomas Mardal har denne hausten akklimatisert seg på heilt andre temperaturar enn minus 7, likevel sikker og fin kasting med 65,43 som lengst. Kristina Thunem, ein trufast Loggane Open-deltakar kasta opp mot persen(44,39) med 4 kast på 43-talet, lengst 43,72. Krinsrekorden for Møre og Romsdal til Silje Osnes(45,11) vil leve farleg i 2018!

Herman Aurdal fann seg ikkje heit til rette i flomlyset på Loggane i kveld, 54,71 er langt bak toppkapasiteten. Fysikken er i orden, men balansen i ringen var ikkje heit på topp.

Diskoskasting i mange kuldegrader er inga enkel sak, likevel kasta 14-åringen Steffen Melheim frå Olden heile 52,39, mindre enn 3 meter frå norsk aldersrekord og ca. 2,5m frå persen!

 

Neste gong kastarane møtest vert rett over nyttår på rekruttlandslagssamling i Oslo.

 

 

 




Kommentarer

0 Kommentar

Logg inn for å skrive en kommentar.