God nytt friidrettsår 2017 !

Postet av Gloppen Friidrettslag den 1. Jan 2017

Godt nytt friidrettsår i Gloppen ! Alltid kjekt å sjå i bildearkivet. Mykje idrettsglede og flotte opplevingar både for utøvarar og leiarar. Det øvste bildet er frå no nyleg. Siste helga før jul var der solid bergensrepresentasjon på Loggane. Laksevåg, AKS og Fana var på plass med utøvarar, trenerar, foreldre og leiarar for å trene kast. Berre så det er nevnt, ho ute til venstre på bildet er U20 verdsmeister i slegge i 2016 . Elles er det våre tre blide karar frå JrNM på Brandbu og Sølvmedaljøren i slegge frå Hoved NM på Askøy som er avbilda.

Vi avslutta året med mange gledelege nyheter til klubben. Gjensidigestiftinga har tildelt ein ikkje ubetydeleg sum til GFIL og trimprosjektet "Gloppetrimmen". Verkeleg gledeleg at vi kan vere tilstades på grunnplanet i folkehelsearbeidet i kommunen. Med 13 onsdager med trim gjennom vår, sommar og haust gjev vi eit viktig tilskot innan lavterskeltilboda.

Vi kan også med stor entusiasme melde at Gloppen Hotell ynksjer å vere med GFIL ytterlegare i åra som kjem. Kontinuitet og evnen til å innfri er stikkord som vege tung blant alle sponsorane.

Det vert svært viktig no i åra som kjem at rekrutteringsarbeidet i klubbane vert vidareført og fleire får muligheten til å drive friidrett.





Kommentarer

0 Kommentar

Logg inn for å skrive en kommentar.

Powered by: Bloc