Jr.landslagssamling kast og nasjonal sesongåpning i Gloppen denne helgja!

Postet av Gloppen Friidrettslag den 16. Mai 2023

Thomas Mardal sesongåpnar på heimebane på Loggane fredag 19/5, det same gjer store delar av den norske jr.eliten i kule, diskos og slegge.

 

Denne langhelga er det norske junior-landslaget i kast samla i Gloppen, og det vert arrangert nasjonal kastmønstring i slegge, diskos, kule og spyd. 

Mest spaning knyter det seg sjølvsagt til kva vår eigen Thomas Mardal (GFIL) kan prestere i slegge. Han vil kaste både fredag og søndag, begge konkurransane på Loggane. Med pers på 76.74m, sølvmedalje under European Throwing cup i Portugal i mars og senior-VM debut i fjor, så er det knytt stor spaning til kva han klarar denne sesongen. Eit nytt VM står for tur denne sommaren i Budapest, Ungarn, der det direkte kval.kravet er 78m. Han kan også kvalifisere seg via ranking, så konkurransane framover vil gje verdifulle poeng. No har du moglegheiten til å sjå topp internasjonal kasting på nært hald, så møt opp på Loggane komande fredag kl 14!

Mathias Reksten Dale vil konkurrere i kule, i tillegg til å delta på jr.landslagssamlinga. Testar viser at han no er stabil på 16m+, så vi kan håpe på lange støt alt denne helga.

Grunnen til at jr.landslaget legg vårsamlinga til Gloppen er nok kombinasjonen av gode treningsfasilitetar på Loggane og Byrkjelo stadion, og vektrom i Trivselshallen. I tillegg er vår eigen trenar, Jørund Årdal, sentral i trenar-apparatet til landslaget.

Kastmønstringa vil vere dei fyrste konkurransane i Norge denne sesongen som er gyldige kvallik-konkurransar til dei internasjonale Ungdoms- og jr.meisterskapa som kjem i sommar.

Følgjande konkurransar vil bli arrangert i regi GFIL og jr.landslaget:

Byrkjelo stadion torsdag 18/5, frå 17.00: diskos og kule, fredag 19/5: spyd kl 15

Loggane stadion (Rygg)  fredag 19/5, frå kl.14: slegge (m/Thomas)

                                           søndag 21/5, frå kl 10: kule, diskos og slegge (Loggane Open)


Følgjande utøvarar vert det særleg spennande å følge desse konkurransedagane, då dei ligg godt an til å ta krava til ulike aldersbestemte mesterskap:

Ungdoms-OL(EYOF) U18:

Jacob Sederholm Hoff, Stjørdal kule, har 18,03 m, krav 17,35

Helene Ramslien, AKS-77, diskos, har 46,99 m, krav 42,00. Kule , har 15,19, krav 14,90


EM U20:

Håkon Hansesæter, Aremark, diskos,har 55,58, krav 54,00

Henrik Vesterlid, Hatfjelldal, kule, har 17,35, krav 17,75

Øystein Hytten, Tønsberg, slegge har 64,88, krav 67,00


EM U23:

Steffen Melheim, Olden, har 52,93, krav 54,50

Mariell Morken, Voss, har 13,87, krav 14,50


VM senior:

Thomas Mardal, GFIL, har 76,74, krav 78,00 eller ranking

Vi håpar mange tek turen til Loggane på Rygg og Byrkjelo stadion for å støtte og heie på både lokale håp og resten av jr.landslaget i kast.



Thomas Mardal - 68.15 og ny krinsrekord i slegge!

Postet av Gloppen Friidrettslag den 25. Jun 2017

Det vart ein svært god sleggekonkurranse for 20-åringen, som fyrst denne sesongen har satsa for fullt på sleggekast. Den 7.26kg tunge slegga gjekk lenger og lenger utover i konkurransen, før han i 5.omgang kasta heile 68.15 meter. Han hadde også eit kast til over den gamle rekorden, og han har med dagens resultat flytta den tidlegare rekorden til Ove Farsund med nesten 4 meter!

Kastet plasserar han på ein 8.plass i Norge gjennom tidene.




Coop Extra på lag med Gloppen friidrettslag

Postet av Gloppen Friidrettslag den 29. Jan 2016


Det er med stor glede vi kan presentere ny Generalsponsor til Gloppen Friidrettslag. Coop Extra går inn som ein av to generalsponsorar dei komande tre åra. Det nye samarbeidet med Coop Extra er svært viktig for klubben. Stabil og god økonomi bidrar til at eldsjeler kan fortsette det gode arbeidet med ungdomen som ynskjer framgang på idrettsbana. 2015 har vore eit svært godt år for Gfil både sportsleg og administrativt. Vi håpar mange kjem på årsmøtet vårt 9 mars og høyrer om detaljane frå statistikken, økonomien og alle dei aktivitetane vi elles styra med gjennom eit år.

Coop har ny stor Extra daglegvarebutikk på Sandane og tre Coop avdelingar i Breim. Det er den største daglegvareaktøren i Gloppen.

Då har vi to generalsponsorar, Sparebanken Sogn og Fjordane og Coop Extra. Saman med hoveudsponsorane SFE, Retura NOMIL, Nordfjord Skifer og Gloppen Hotell har vi no eit godt økonomisk fundament til å utvikle friidretten vidare. Alle desse samarbeidspartnarane har kontrakter med langsiktig perspektiv. Når vi i tillegg har G-sport, Craft og Ronny Solheim (fotograf) med oss som delsponsorar er vi godt skodde på mange frontar. Det betyr at satsinga fram mot NM2018 på heimebane er i ferd med å bli sikra. På veien til dette målet er der mange kjekke delmål, komande sesong ser vi fram til JrNM i Brandbu, NM på Askøy, UM i Sandnes og kanskje også ein JrVM deltakar. Vi håpar å gje alle ein god opplevelse av friidrett i åra som kjem med Gloppetrim, friidrettskule, Sparebankleikar og gode sportslege resultat.

Stor takk til Geir Espe, Øyvind Indrebø og Martin Hamre som har gjort Coop Extra avtalen muleg! Vi skal gjere vårt ytterste til at dette blir eit fruktbart samarbeid.




Gratulerer Gloppen med eit flott JrNM !

Postet av Gloppen Friidrettslag den 20. Aug 2015

Etter lang tids førebuing både av dei aktive, leiarar og arrangørar kunne ein endeleg starte på JrNm på heimebane. Byrkjelo stadion synte seg fram frå si beste side denne helga. Eit flott anlegg som var strigla til norges fremste juniorar. Eit framifrå funksjonærkorps under myndig leiing av Knut og ein uvurderleg Jørund i "hjertet" av arrangementet. Vi har ei flott ramme i den storslåtte naturen vår. Ungdomane stogga opp og tok bilder av anlegg og natur og fekk med seg minner for livet.

Gloppen har eit særs aktivt friidrettsmiljø og var under Nm representert med 8 utøvarar. 4 løparar og 4 kastarar. Alle innfridde ut frå eigne målsettjingar og presterte optimalt ut frå det ein kunne forvente. Betre kan det ikkje bli! 5 medaljar til Gloppen er fantastisk - 2 gull, 1 sølv og 2 bronse. Det tyder på at vi gjere mykje rett og vil fortsette treningarbeidet i den retning vi har staka ut vidare. Alle er hjerteleg velkomne på trening og vi tilrettelegge på alle nivå.

Byrkjelo stadion er viktig for Norsk friidrett. Difor vedtok GFIL på forrige årsmøte å delta i ei arbeidsgruppe for utbygging/rehabilitering av Byrkjelo stadion. Dette for å sikre at anlegget også i framtida kan vere eit toppanlegg for friidrett. Åra set sine preg på bana allereie. Det vil vere svært viktig for friidretten at anlegget kjem inn i kommunale planer. No vert Flora stadion utbygd med 8 baner framfor neste sesong. Det er viktig at Byrkjelo stadion føl med i tida og at neste generasjon aktive og arrangørar har eit anlegg som er oppgradert.

Til lukke med vel gjennomført arrangemet !

Nils Ove Roset

-leiar Gloppen friidrettslag-