2 bronsemedaljer til Gloppen FIL under JrNm i friidrett første dag

Harstad og Ik Hind har arrangert ein flott første dag av årets jrNm. Prikkfritt frå ende til annan. Gode funksjonærar og hyggelege folk overalt. For Gloppen starta dagen med 100m forsøk U20 der Robert Andre Moldestad hadde fjerde heat og bane 8. Han hadde som vanleg ein kanonstart og var faktisk heilt framme i feltet til 60-70 meter. I god medvind (+3.6)sprang han inn til 11.69 sek. Vi meiner det var eitt av årets beste 100m løp av Robert. Dessverre ikkje semi, men likevel nøgd og har nytt løp i morgon på 200m.

På ettermiddagen var Vincent Sondre Førde i klasse U23 klar på 3000mh. Med berre eitt løp i beina på hinder denne sesongen var vi alle spente på om han ville greie ein medalje. Han holdt fint skjema på 75 sek i 5 runder med fekk så 6-700m med litt for svak fart så ein svært god siste 300. Det betyr at han hadde litt for mykje krefter att. Men han har fleire muligheter seinare i sesongen. Vi gratulerer med flott bronsemedalje.

Samstundes gjekk Hans Sande i diskosringen i klasse U23 og tok ein flott bronsemedalje med resultatet 37.71m. Vinnaren var ikkje noko mindre enn Vm deltaker Sven Martin Skagestad. Nr 2 vart Thor Olav Rosvold. Vi gratulerer med flott bronsemedalje.

I morgon skal Robert Andre springe 200m og heile slegge gjengen i U20 og U23 i ringen på kvelden.

Som bilda syner så har det vore regn på slutten av dagen, men formiddagen var flott !