Thomas Mardal, Gloppen FIL tok sterk sølvmedalje!

European Throwing Cup, laurdag 11.mars:

Under European Throwing Cup i Leiria, Portugal, kasta Thomas Mardal 73.94m i slegge og tok med det resultatet ein sterk 2.plass. Vinnar Bence Halasz, Ungarn vann med resultatet 74.65m. Halasz tok sølv under Europamesterskapet i Munchen sist sommar. Med 2.plassen var han også beste kastar frå Norden. Bak Thomas finn ein namn som bl.a. Pawel Fajdek, Polen, verdsmeister i øvinga heile 5 gongar. 14 deltakarar hadde betre personleg rekord enn Thomas, så det ligg til rette for ein kjempesesong for Glopparen. Totalt 35 kastarar deltok i øvinga, fleire av desse finalistar frå VM og EM sist sommar. 

No skal Thomas fortsette treninga fram mot neste konkurranse som blir på heimebane i Gloppen 19.mai. Gloppen fil gratulerer med flott sesongåpning i Portugal !