Thomas klar for ett av sesongens høgdepunkt - Nordisk-Baltisk meisterskap

Thomas Mardal er utteken til Nordisk-Baltisk meisterskap i friidrett i Gävle i Sverige 11.-12. august. Han skal delta både i slegge og diskos. Medaljesjansane er utan tvil størst i slegge, men han får hard konkurranse av m.a. av finnen Kangas og islendingen Ørn Jonsson! Begge desse har pers på over 72 m. Det er også ein annan finne som har kasta over 70 i år. Krinsrekorden til Thomas frå juni i år er på 72,20, så han må nok opp mot slike lengder om han skal kunne hente heim gullet. Det kan og nemnast at meisterskapsrekorden er på 72,32 og tilhøyrer Eivind Henriksen. I diskos er det for langt fram til medalje for Thomas, men målet er nok å forbetre persen på 52,97. Gloppen Fil ynskjer lukke til !